قصة كامله ل زهره الربيع

 

تسامحو
توبه ابتسمت بدموع وقالت يدعيلها بس يا حج
امها كمان شدتها ليها وقالت حقك عليا يا ضنايا
والكل كان مبسوط وطلعت مع اهلها وهيه بتبص على منصف وهو بيبعد
تاني يوم كان منصف مع ميسون في مستشفى قلب بالتبراعات واتغاجأ بتوبه واهلها
منصف وقف وقال توبه
توبه ابتسمت وقالت كلمت ميسون وقالتلي انكم هنا
منصف قال اه اصل الفلوس الي عند ماجد كده بح فقولنا نشوف دورنا هنا واكيد لما يشوفو حالتها هيعجلو شويه

نصر سلم عليه وقال توبه حكت لنا عن ظروفك وايه الي خلاك تعمل كده ربنا يكون معاك يا ابني انت رفعت راسنا من جديد وسط الناس
منصف ابتسم بحرج وقال انا الغلطان من الاول يا حج حقكم عليا
وهما بيتكلمو خرج الدكتور وقال فين اهل المريضه الي جوه
منصف اتقدم عليه وكانو اهل توبه معاه والدكتور صدم الجميع لما قال مين قلكم انها مريضة قلب دي قلبها سليم ميه في الميه البنت بس عندها ضعف وانميا وده الي بيسبب لها الدوخه
منصف كان هيتجنن من الصدمه وقال ازاي ازاي انا بعالجها من ٦ شهور
الدكتور قال الاشعه والتحاليل معايا تقظر تعرضهم على اي دكتور تاني مفيش حاجه من دي  عن اذنكم
منصف مبقاش عارف يفرح ولا يقلق ولا فيه ايه اصلا طلعو كلهم بالعربيه على شقة الدكتور الي بيعالجها
الدكتور اول ما شاف منصف وفي ايده التحاليل بلع ريقه پخوف وقال انا مليش دعوه  ماجد هو الي قالي كده لما اختك اغمى عليها وجبتها عندي انا شكيت ان عندها انميا  وطلبت تحاليل هو دخلي بعد ما انت مشيت وقلي اكدب عليك واقولك انها محتاجه عمليه بمبلغ كبير لانو عايزك في شغل انا مليش دعوه بأي حاجه
اليوم ده كان اسعد الايام بالنسبه لمنصف من كتر فرحتو نزل ومعملش اي حاجه للدكتور كان هيتجنن بقو يباركلو كلهم ونصر قال ربنا مع الغلابه يا ابني شوفت ازاي نصرك
منصف قال بدموع ده لان بنتك طيبه يا عم نصر ولما جبتلها حقها ربنا اكرمني
توبه بصتلو بدموع وفرحه وقالت الحمد لله انا مبسوطه قوي ربنا يكرمك دايما يا منصف
منصف بصلها بحب شديد وقال هو اكرمني اكرمني اخر كرم لما رزقني بوجودك يا توبه 
توبه لسه هترد نصر قال يبقى تاخدنا تغدينا علشان الاخبار الحلوه دي وتسقينا شاي
ميسون عمزت وقالت خليها شربات يا عمو
نصر ضحك وقال نخليها شربات
بعد شهور كان فرح منصف وتوبه وكانو عاملين كتب كتاب وكانت لابسه فستان اسلامي وحجاب وشكلها قمر منصف بعد كتب الكتاب  وقال انا مش مصدق توبه هو انا كده اقدر اقولك بحبك عادي ولا حرام برضو
توبه ضحكت وقالت اسكت يا منصف
منصف ابتسم بحب وقال انا بجد بحبك
توبه ابتسمت بكسوف وقالت وانا كمان
 وقال  انا هعيش عمري كلو احاول اعوضك واسعدك زي ما عوصتيني وفرحتي قلبي وقربتيني من ربي 
توبه ابتسمت وقال اهم حاجه تحافظ على صلاتك ومترجعش للكسل تاني
وقال لا خلاص توبه توبة لاخر عمري
تمت بحمد الله
كنتم مع توبه لاخر عمري بقلم زهرة الربيع زهرتكم تحييكم ودمتم في امان الله مع من تحبون