خطيبي
انت في الصفحة 1 من 8 صفحات
وقبل مانبدا حكايتنا اعرفكم على بطلتنا اسمها فاطمه عمرها 17 سنة لسه بتدرس في المدرسه وعايشة مع ابوها وامها
وفي يوم امها قالت لها
الام
بت يافاطمة بقولك ايه في واحد عايز يجيب امه وأهله ويجي يتقدم لك وبصراحه كده بقي أنا نفسي افرح بيكي وحاسه أنه واد ابن حلال بصراحه
فاطمة
تاني يا اما عايزاني اتخطب تاني مش كفاية اللي اسمه سيد اللي جالي وبعد ما خطبني لقيتة مش بيصلي وسبته عشان كده انا نفسي وفي واحد يتقي ربنا فيا ويكون بيصلي ويعرف ربنا كويس
دلوقتي وبعدين انا بشتغل علشان اصرف علي
نفسي وعلي تعليمي مش هكون قادره لاي جاهز دلوقتي
الام
ومين جاب سيرة سيد ده دلوقتي انا مش عايزاكي تجيب سيرة الزفت ده انما التاني ده ابن حلال ويعرف ربنا ده اللي قالت لي عليه جارتنا ام محمد بتقول عليه ابن ناس طيبين اوي وهو ابن حلال اوي وبعدين ياختي ربنا بيقول
فاطمة
يعني انتي عايزاني دلوقتي اعمل ايه أوافق عليه وانا لسه مش شوفته يعني طيب اشوفه علي الاقل
الام
لا انا هخليه يجي يقعد معاكي الأول وتتكلمي معاه وتشوفي لو عجبك يبقا نتكلم في الموضوع يابنتي انا نفسي افرح بيكي
فاطمة
ع العموم يا اما اللي تشوفي مع أن والله ولا عايزه جواز ولا بفكر فيه
لا ياعين امك انا عايزة افرح بيكي واشوفك اسعد واحده في الدنيا وبعدين انا وابوكي بنشتغل احنا كمان عشان نقدر نوفرلك الحاجة بتاعت جهازك
فاطمة
حاضر ياما انا هاشوفة الأول وبعدين ابقى اقول رأي فيه واللي فيه الخير يقدمه ربنا
وبعدها راح العريس عند فاطمة واقعد معاها واتعرف عليها واتعرفت عليه وبعد ما مشي امها قالت لها
ها يافاطمة ايه رايك في العريس يابنتي كويس ولا ايه
فاطمة
والله ياما انا من كلامي معاه ارتحتله وشايفه انه انسان كويس اوي ومؤدب وبيصلي وده اهم حاجة عندي انه يكون بيعرف ربنا وبيتقي الله
الام
طيب يابنتي على البركة انا هاقول لابوكي يبلغهم عشان يجو ونتكلم معاهم
فاطمه
اللي تشوفي يا ماما انا تحت امرك فيه
سيد
بقا انتي تسبيني يافاطمة عشان تتخطبي لواحد غيري بقا كده والله انتي ما تعرفي انا هعمل
فيكي اي وبعدها بابا قام وقف وقال ليه
الاب
انت عايز ايه ياسيد ميصحش كده اللي انت بتعملة ده واحنا قولنا لك ان كل شيء قسمة ونصيب يابني وبعدين انت جاي تهدد البت قدامي ميصحش الكلام اللي انت بتعمله ده خالص
بس انا بحب بنتك ياعم حسن وكنت هتجوزها واحافظ عليها واخليها ست البنات هي ليه تسبني
الاب
سابتك عشان نصيبها مش معاك يا سيد خلاص بقا ميصحش اللي انت بتعمله ده
سيد
وانا مش هسيبك تروحي من ايدي يا فاطمه
انا كنت بحبك ومستعد اعمل المستحيل علشانك وانا قومت وقفت وقولت ليه
فاطمة
انت عايز مني ايه انا مش عايزاك وقولت لك الكلام ده مېت مره ابعد عني ياخي
ردت ماما وقالت
الام
يابني عيب اللي انت بتعمله ده احنا عندنا ناس غريبة وميحصش اللي انت بتقوله ده خلاص بقا روح لحالك وسيبنا في حالنا
سيد
بس انا بقا مش هسيبها في حالها ولازم اعرفك ازاى تسبيني يافاطمة انا هعرفك
رد طارق خطيبي
طارق
بقولك ايه يابني انت امشي من هنا بدال ما اقوم اعرفك تمامك دلوقتي انت سامع ولا لا
سيد
انت
