راعية بقلب سيدها
سؤال
سميرة ..قولي يا ضنايا
قوت ..هو انتي تقصدي أي بمتعرفيش حاجة
سميرة بشك ...انتي حصل بينك وبين نوح حاجة يا قوت
قوت بخضة ..حاجة حاجة اي لاء عيب اصل ..
سميرة .... ياعيني يا نوح حظك زي حظ ابوك انا هقولك كل حاجة لأنة لا عيب ولا حرام بس قوليلي متلعطيش لية لأخوكي
قوت ..الوقت اتأخر هطلعلة بكرة
سميرة ..ماشي يا بنتي اسمعي بقي
....
صباح يوم جديد هبط ابراهيم برفقة عاطف الدرج واتجة لأحد المطاعم الخاصة ببيع الفول والفلافل لشراء فطور له ولأبنة وقف امام البائع وهو يملي علية طلبة وألتفت علي صوت ابنة و قائلا ..
عاطف ...ميس ولاء
ولاء ..ازيك يا عاطف وحشتني جدا
عاطف ..وحضرتك كمان وحشتيني
ولاء..مش بتيجي الدرس لية
عاطف ..مش لاقي حد يوديني بعد ماما ما مش....
عاطف..لا يا بابا بص دي ميس ولاء
ابراهيم بلباقة ..اهلا بحضرتك اتشرفت بمعرفتك
ولاء..الشرف ليا يا
ابراهيم..ابراهيم
ولاء..اهلا استاذ ابراهيم عاطف من اشطر الطلاب اللي عندي اتمني انة يجي الدرس لانة شاطر وخسارة انة يتساب كدا
ابراهيم ..انا هجيبة بنفسي لان انا ومامتة انفصلنا
ولاء ..لا حول ولا قوة الا بالله ربنا يصلح الحال
ولاء..حضرتك مش عارف انا مين!
ابراهيم بحرج..اسف مش واخد بالي
ولاء ..انا ولاء بنت المعلم شاهين تاجر الجملة
ابراهيم ..اهلا بحضرتك ازي المعلم شاهين
ولاء..بخير الحمد لله اتمني ان عاطف يجي
ابراهيم ببسمة ..وعد هجيبة بنفسي لحد بيتك
ولاء..تمام بعد اذنك
ابراهيم ..اتفصلي
ذهبت ولاء وتركت ابتسامة علي شفتي ابراهيم وهي ايضا اصابها شئ ما ستعلمة بالمستقبل
بعد مرور عدة ايام ..منزل المعلم شاهين مساء...
تجلس ولاء برفقة بعض الاطفال وابيها المعلم شاهين يجلس علي الكرسي الخاص بخلوتة مع ربه يقرأ كلمات القرآن الكريم من مصحفه الخاص به قطع لحظاتة صوت رنين جرس المنزل ليصدق ويغلق المصحف ونهض وهو يتكأ علي عصاة الأبنوسية بأتجاه الباب وقام بفتحة وابتسم حين وجد إبراهيم وطفلة ليقول ..
إبراهيم ...اهلا بيك يا معلم شاهين تسلم انا بس جايب عاطف للأستاذة ولاء عشان الدرس
شاهين ..وماله يا بني تعالي اقعد معايا لحد ما يخلص الدرس
إبراهيم ..لا معلش اعذرني انا هستناة تحت علي القهوة
شاهين ..براحتك يا بني
إبراهيم ..تسلم بعد اذنك
ترك إبراهيم عاطف وهبط الدرج بإتجاة المقهي ولكنة عاد ادراجة إلي منزلة حين وجد شقيقتة تهبط من سيارة زوجها وسميرة ولم يجد الجبيرة حول قدمها ليعلم انها قد انتزاعتها كاد نوح وأسرتة ان يدلفو للمنزل ولكن إستوقفهم صوت إبراهيم قائلا
نوح..أهلا أستاذ إبراهيم
إبراهيم ..إزيك يا حجة
سميرة ..الحمد لله يا بني
إبراهيم ..إزيك يا قوت أستنيتك تطلعي من يوم ما رجعتي من السفر بس واضح إنك لسة زعلانة مني
قوت بهمس..محبتش أضايقك
نظر لها بحزن شديد يعلم إنه السبب فيما يحدث الآن لتخطر بباله تلك الفكرة ليبتسم قائلا
إبراهيم ..قوت أنا جعان
سميرة ..أسم الله يا بني تعالي وأنا هأكلك
إبراهيم ..تسلمي يا ست أم نوح انا بس بعد إذنك يا أسطي نوح لو ينفع أن قوت تطلع تعملنا كام أكلة ليا أنا وعاطف
نوح ..دي أختك يا إبراهيم وأنا مقدرش أحوشها عنك
إبراهيم...تسلم يا أسطي اي رأيك يا قوت هتطلعي ولا لاء
نظرت قوت لنوح قالت بهمس
قوت ..أطلع
ليومئ نوح برأسة دليلا علي موافقتة لتبتسم بخفة لأخيها قائلة
قوت..حاضر
ليتجهو جميعا للأعلي دلف نوح منزلة برفقة والدتة من اجل تبديل ثيابة لثياب العمل وصعدت قوت برفقة شقيقها للأعلي وما ان دلفت حتي تفاجأت من شكل المنزل الغير مرتب ولكنها لم تعقب علية وألتفتت له وقالت بهدوء
قوت ..هنضف البيت علي ما أنت تجيب شوية طلبات عشان أجهزلك الأكل
إبراهيم ..أنا أسف
قوت ...........
إبراهيم ...طلقتها وعرفت من كام يوم انها اڼتحرت
شهقت پخوف ووضعت يدها علي فمها ولكن دموعها خانتها وهبطت سريعا علي وجهها لم تتحدث تركت له كل الوقت حتي يعبر عما داخلة ليكمل قائلا
إبراهيم ..خانتني عارفة معني الكلمة دي اي يعني نامت مع واحد تاني علي سريري وفي بيتي خانت ثقتي فيهاانا كنت بحبها بجد معرفش لية عملت كدة فيا أنا بكرهها أووي ظلمتك بسببها وجيت عليكي مشوفتيش مني غير القسۏة والجبروت مكنتش هستغرب لو رفضتي تطلعي معايا أنا تعبان يا قوت حاسس بڼار جوايا أنا عارف إني أستاهل كل إللي بيجرالي دا وأكتر والله بس خلاص مش قادر استحمل إبني ذنبه إي تكون دي أمهذنب...
قوت مقاطعة..قول الحمد الله
إبراهيم بتنهيدة..الحمد لله
قوت ...متزعلش من قدر ربنا ربنا لية حكمة في كل حاجة بتحصل لينا قوم يلا هات شوية طلبات علي ما انضف الكركبة دي عاطف فين!
إبراهيم ..عاطف في الدرس بتاعة شوية وهجيبة
قوت ..طب يلا عشان يجي يلاقي لقمة ياكلها
إبراهيم ..حاضر
نهي حديثة وهو ينهض واتجهة للخارج واتجهت هي لتبدأ رحلة تنظيف المنزل
...
أما عند نوح هبط لورشتة ولكنه لم يستطيع العمل عقلة شارد بها يريد ان يعرف هل صابها مكروه أم لا ولكن كيف سيفعل رجح الآن أن فكرة إمتلاك قوت
